شعر حامد زيد عن الفراق والغزل

شعر حامد زيد من أجمل الأشعار التي ستقرأها، ويعتبر حامد زيد من أشهر الشعراء التي ظهرت في الأونة الأخيرة، ولقد ولد الشاعر الرائع حامد في منطقة فحيحيل بمحافظة الأحمدي في دولة الكويت، وقد برع في كتابة الكثير من الأشعار عن الحب والفراق والغزل وغيرهم، لذلك سنقوم بذكر بعض أشعار حامد زين في هذا المقال عبر موقع الماقه.

شعر حامد زيد ونبذة عنه

هو حامد زيد سعدون فارس العازمي، وقد ولد في الكويت،  ودرس في كلية الدراسات التجارية، وحصل على دبلومة الإدارة من كليته، ثم توجه للعمل موظفًا في وزارة الشئون الاجتماعية.

يعتبر حامد واحد من أهم أعضاء ديوانية شعراء النبط، كما أنه عضو بدرجة شاعر بارع، وكتب الكثير من الأعمال الشعرية باللهجة العامية، لذلك سنقوم في مقالنا بذكر مجموعة من أجمل أعمال الشاعر حامد.

إقرأ أيضًا: شعر شهد الشمري 7 قصائد من أروع ما كتبت شاعرة العراق

أجمل أشعار حامد زيد

قصيدة على ذاك الطريق

على ذاك الطريق اللي يسمونه غرام أحباب ** وطت رجلي على دربه ولا أدري وش نوى فيني

تبعته لآخر دروبه .. ألين أن القمر قد غاب ** تعب قلبي، ولا تعبت مسافاتٍ توديني

لقيت الليلة الجردا  هدب ظل وسما واعشاب ** بعد ذاك الظلام اللي يتوهني عناويني

صدفتك معجبه فيني ويا ليت الغرام اعجاب ** وتراك انتي الهنوف اللي هقيتك تستحقيني

عطيتك عشق من قلبي .. وسلمت لغلاك رقاب ** وغيرك يحترق قلبه ولا يقدر يحاكيني

أنا قبلك صدفت عيون لكن ويش جاب لجاب؟ ** ترى كل العيون اللي لقتني ما تكفيني

رماني حظي العاثر عليك وجيت لك طلاب ** ولا انتي اللي عشقتيني ولا انتي اللي عتقتيني

تعالي واعتقي ذاك الخفوق المولع المرتاب ** مهب لاجلي، عشان الله يجازيك ويجازيني

عدي في سما عشقي ولو عشقي خراب أصحاب ** وصوني بالهوى نفسك قبل لا انتي تصونيني

وشيليني على متنك خفوق باري منصاب ** ومن فوق الغرام العذب شيليني وحطيني.

قصيدة الدنيا بخير

الظلام اليا تبرى من مدرات النهار ** يبتدي عمره ضرير وينتهي عمره ضرير

والعيون اليا عماها حقدها تبقى صغار ** ماتهادي مستواها غير للعقل الصغير

والدروب اللي نهاية وصلها ذاك المسار ** ما تساوت مع طموحات الفهيم المستنير

من يميز في طريق الشر حسن الاختيار ** من صرخ في كل قلب مظلم بصوت النذير

من قدر ياخذ بحق التايه الضايع قرار ** من دفع عمره لحب الناس لو يبقي فقير

من يقيد لكل فزعه للندم همسة شرار ** من يطفي بالقلوب المدمنة نار السعير

من خلقنا ما عهدنا غير حب الافتخار ** نملك الصبر الكبير ونعشق الدرب العسير

همنا نرفع بلدنا مع صفوف الازدهار ** ونتذكر يوم كان ترابها فرش وحصير

قصيدة أربع خناجر

مـشكلة .. لا جـات حاجتك بيدين البخيل ** مـا يـفكك لـين تـدفع كـثر مـا يدفعه

ومـشكلة لا صرت مطعون بكفوف الدخيل ** فـي ظـهرك أربع خناجر وبالصدر أربعه

ومـشكله لا ضـاق بـالوقت رجال ثقيل ** يـطـلب أحـبابه وعـيا زمـانه يـنفعه

لـيت ربـي مـا يحاسب خليل من خليل ** دام مــا لـلحظ فـزعة ولـلوجه أقـنعه

دام مـا للعذل تـالي ومـا بـالحيل حـيل ** الـغـلا سـم نـذوقه .. ومُـرٍ نـجرعه

نحتري فيه اللقا .. والحصيل اهوَ الحصيل ** مـثل حـلمٍ مـا تحقق .. وعييت أقطعه

كـني الـلي حـط بـشفاه من جمر المليل ** لا قـدر يـرميه لـلناس ، وازرى يبلعه

والـظروف الـلي حـدتني لنيران وفتيل ** عـرضت دمـع الـمحاجر لـشيٍ يجزعه

والـمدامع بـالغلا.. لا تـحال ولا تـحيل ** والـمشاكل كـل مـاجات .. جات مجمعه.

إقرأ أيضًا: شعر نبطي غزل للأمير بدر بن عبد المحسن وسبب تسمية الشعر النبطي بهذا الاسم

قصيدة تزعلين وتقعدين (غزل)

حبك أشبه في غرامي ( بالوصال الانفصال )

ويلعب الخفاق لعبة كبرياء الخاضعين

بالهوى ماهي غريبة نكبة عيال الحلال

ولاني أول من يصون ولا انتي آخر من يهين

الصداقة في عيون الناس منفى للعدال

وكان ردّت للصراحة كلبونا مذنبين

المحبة شبه زالت والصداقة لاتزال

بس أببقى في عيونك ( حامد ) اللي تعرفين

علّميها يا قصيدة واضربي فيني مثال

عرفيها بالبداوة في طباع الأولين

علّميها كيف نصنع صبرنا والاحتمال

علّميها كيف نفلح بالعمل ( دنيا ودين )

علّميها في سوالف حلّنا والارتحال

علّميها كيف نظهر جورنا للجايرين

علّميها يا دقايق ، علّميها يا ليال

علّميها يا عصور وعلّميها يا سنين

إن عشقنا ما بغينا غير عشقٍ بالحلال

وإن نوينا ما لفينا كود ناس طيبين

كاملينٍ في عطانا بس لله الكمال

والرجل فينا غرامه لو يعين ويستعين

ابدويٍ ما يقوده للردّى شد الحبال

يعسف اليدّ الشحيحة للعطا حتى تلين

همنا فعل الرجولة رمزنا لبس العقال

وانتي المكياج كله صار في وجهك سجين

عندك المكياج موضة تحسبين إنه جمال

صار همك في حياتك تكشخين وتطلعين

والا أنا قلبي بقى لي بالمحبة راس مال

والله اللي مبتليني بالهوى والله يعين

إن بغيت أعشق أبالقى كثر حبّات الرمال

لكن انتي لو بغيتي صعب مثلي تعشقين

قلت لك كل الصراحة وأختم أطراف الجدال

وإن زعلتي من كلامي ( تزعلين وتقعدين ).

قصيدة قدها وقدود

وينقص بعضنا خوّه وينقصنا وفاء وعود

مدام الحسد باقي وبعض الناس نمامه

ولا ترجى بها الدنيا من ربوعك يجيك اسنود

ولا تشره على رجلٍ عيونه خانت أقدامه

وقابل خطوة بخطوة وجازي بالصدود صدود

تناسى غلطة الصاحب عليك بلحظة اخصامه

ولا تخطي ترى لصبر الحليم اليا سلاك حدود

تروّى واعرف بضرب الحديد تفكك لحامه

تجنب كسرة الخاطر ولو حبل الزعل مشدود

تراك بكسرة الخاطر حكمت القلب بعدامه

ولا تزعل على رجلٍ بذل لك ولرضاك جهود

ولا تامن من الحاسد رضاه ورفعة ابهامه

نبي نصبر على الدنيا قلوبٍ بالحياة زهود

مدام إنّ البخت عيّت توّفق رمعة سهامه

وأنا ما قلتها راجي ولا أطلب بعدها مردود

ولكن الفتى ودّه يحقق جملة أحلامه

وبمشي لآخر الدنيا ولو كلّ الأنام اقعود

وعن وجه الزمن بكشف حقيقه وأرفع الثامه

صحيح إني صغير السن ولكن ( قدها وقدود )

وأنا عندي مع الدنيا مواقف ترفع الهامه

طموحي يملي العالم ولابه للطموح قيود

مدام إن الأمل طبعي ( عرين وصرت ضرغامه )

خلقنا الله من ترابه ولأحضان التراب نعود

تحت رمل الثرى نبقى تغطي جسمنا خامه

سلفنا ما لحقناهم تحت قاع التراب رقود

ولا يبقي من الميت سوى ذكراه وعظامه

ولو طال العمر فاني وترى عمر الفتى محدود

وكلٍ يطلب المولى يبيحه يحسن ختامه

وأنا بلّغت بلساني وربي والأنام شهود

وصحف البيّنة جفّت وعنها رفعت أقلامه.

إقرأ أيضًا: شعر عن الصلاة وفي حبها وفضائل الإلتزام بفروض الله

 قصيدة امن السبع العجايب

اسمعي والكل منا له هواه وله ميوله

لاتمسين بكلامك شعرة بروس القرايب

ان حكيتي ماوفيتي وان تحديتي عجوله

تحسبين ان كل فعل تفعله يمناك صايب

تحسبين انك خذيتي بالحشاء صولة وجوله

تحسبين اني ذكرتك مع نسانيس الهبايب

والله انك لو ذبحتي خافقي لالقاك حوله

عاشقه تشقىبفلب من طريق العشق هايب

كم رضيت اسكت عليك من القهر وانتي زعوله

خايف اضحك واستفزك واهجرك واعيش ذايب

ادعيت انك خجوله وادري ان منتي خجوله

وادري انك تخجلين الشمس من فوق السحايب

مايحببني بقلبك يالهنوف الا فضوله

وماينسيني غرامك غير تكرار المصايب

عاشقه جيتي ورحتي يالحبيبه يالعذوله

مابنيتي لي طموح ولاتركتيها خرايب

تستبيحين القلوب وتستحقين البطوله

واستحق بعدك تايب واموت تايب

ياكثر ماشال قلبي شيء اكبر من حموله

واعفيتي عن غلاه ولابخلك بالوهايب

كنه ارحم من همال المزن للزهر بذبوله

وانتي اقسى من سموم القيض وكفوف اللهايب

وانتي ادرى في غلاك بداخلي شاللي يزوله

وادخلي دخله على الله واحفظي ذيك السبايب

ماخبرت اللحظه اللي حللت قربك تحوله

ولاهقيت اني بشدد للجفا قلب وركايب

ماهقيت انك تحسبين الزلل وانتي جفوله

وماهقيتك تكرهيني كثر حبك للطلايب

كن قلبي في وصالك وابل لحظة نزوله

وفي فراقك مثل دمعه تنحدر من عين شايب

كنت ابي وقفه حبيبه تنهض القلب بخموله

طافح بالعشق وانتي عايبه والحظ عايب

كنت عصن كل كف غير كفك مايطوله

كنت درب ودمعتين وقلب وجروح عطايب

كنت ابيع العمر كله وارخصه عرضه وطوله

للعيون اللي هدبها ثامن السبع العجايب

بس ابرضيلك غرورك واكسر القلب بذهوله

وقتها ماكنت افكر صايب او كنت خايب

والرجل لو ماعلى بالشهامه والرجوله

صدقيني صعب يقدر يملك قلوب الحبايب

صدقيني مايوالف خافق البنت بسهوله

بالهوى يابنت حواء غير طلاب النشايب

والسهر والعشق الاول والهوى واللي ينوله

شيء اقسى من همومك وألعنه حاظر وغايب

والهموم اللي دعتني من بعد سن الطفوله

كلها من تحت رأس العشق ملعون الصلايب.

لقد قمنا بالتحدث عن شعر حامد زيد وبعض أعماله الرائعة، بالإضافة إلى نبذة قصيرة عنه لتعرفنا أكثر عن الشاعر حامد زيد.